2019 жылдың 12 қыркүйегінде Алматы қаласының Әділет департаменті тұрғындардың құқықтық білім деңгейін көтеру мен зияткерлік меншік мәселелері бойынша хабардар ету мақсатында кәсіпкерлерге, құқық иеленушілерге және зияткерлік меншік объектілерін пайдаланушыларға арналған семинар өткізді.
Семинар жұмысына мемлекеттік мекемелердің, бизнес құрылымдардың, отандық тауар өндірушілердің өкілдері және басқа да мүдделі тұлғалар қатысты.
Шарада Алматы қ. Әділет департаментінің, "Ұлттық зияткерлік меншік институты"РМК Алматы қ. филиалының, Алматы қ. "Атамекен"ҰКП, "Болотов и Партнеры"ЖШС өкілдері баяндама жасады.
Аталған семинарда тауар таңбалары, жалпыға бірдей белгілі тауар таңбалары, авторлық құқықтарды тіркеу мен қорғау және тауар таңбасын пайдаланудағы мемлекеттік бақылау мәселелері талқыланды.
"ҰЗМИ"Алматы қ. филиалының Тауар таңбалары мен өнеркәсіптік үлгілер бойынша талдаулық зерттеулер бөлімінің бас сарапшысы Т. В. Горбунова қатысушыларға тауар таңбаларын құқықтық қорғаудың ерекшеліктері, тауар таңбасына электрондық өтінім беру талаптары туралы айтып берді.
Шара соңында қатысушылар атқарылған жұмыс үшін оның өзектілігі мен халық үшін маңыздылығын атап өтіп, ұйымдастырушыларға алғыс білдірді.